CNN က နံမည်ကြီးစစ်သတင်းထောက် နဲ့ ဒေါက်တာဆာဆာ အင်တာဗျူးကောက်နှုတ်ချက် ( အင်တာဗျူး ဗီဒီယိုဖိုင် )

Posted on

CNN က မေးတာက လုံခြုံရေးကောင်စီ မှာ R2P တောင်းရတဲ့ အကြောင်းကို အဓိက ထားမေးတယ်။ မေးတဲ့သူက နံမည်ကြီး စစ်သတင်းထောက်ပါ။ ဘယ်အချက် တွေကြောင့် ဆိုတာကို ဒေါက်တာဆာဆာ အကြမ်းဖျင်းရှင်းပြတယ်။

နောက် သတင်းထောက်က ကုလအထူး သတင်းထောက်ပြောတဲ့ ပစ်တဲ့ သေနတ်အမျိုးအစားတွေကို ပြန်ပြောပြရင်း ဗွီဒီယိုနဲ.ပါ ပစ်နေတာကို ပြနေတယ်။ ပြန်မေးတယ်။ ဒေါက်တာဆာဆာ က ဟုတ်မှန်ကြောင်းပြောပြီး ရှင်းပြတယ်။

11

နောက်ထပ် မြန်မာဆိုင်ရာ ကုလ အထူး ကိုယ်စားလှယ်ရဲ. ဗွီဒီယိုနဲ. မြန်မာပြည်သူတွေကို ပန်ကြားတာကို ပြန်ဖွင့်ပြတယ်။ ကုလကိုယ်စားလှယ်ပန်ကြားတာက မအလတို က မြန်မာပြည်သူတွေကို အကြမ်းဖက်ပြီး ပြန်ခုခံတာမျိုးကို လုပ်စေချင်နေလို. မတရား အကြမ်းဖက်နေတာပါတဲ့။ ထောင်ချောက်ဆင်နေတာပါတဲ့။ မြန်မာပြည်သူတွေ အနေနဲ. အဲ့ထောင်ချောက်ထဲ မဝင်ကြဖို. တောင်းပန်ပါတယ်တဲ့။

အဲ့ဒါကို ပြပြီး ဒေါက်တာဆာဆာ ကို ဆက်မေးပါတယ်။ မြန်မာပြည်သူတွေက ဘယ်လိုလဲတဲ့။ ဒေါက်တာဆာဆာက ငါတို. ပြည်သူတွေက သတ္တိရှိပေမယ့် ငြိမ်းချမ်းရေးကို လိုလားတယ်။

အခုထက်ထိလည်း လုံးဝ လက်နက်ကိုင် ခုခံတာ မရှိဘူး။ လုံးဝကို မရှိတာ။ ဒါပေမယ့် အိမ်တံခါးနားထိ မျက်ရည်ယိုဗုံးတွေ ပစ်ပြီး အကြမ်းဖက်တာမျိုး လုပ်လာတဲ့ ကေ့စ်တွေ မှာတော့ ငါတို. မြန်မာပြည်သူတွေက သူတို. အတတ်နိုင်ဆုံး ခုခံတာတော့ လုပ်ပါတယ်တဲ့။ ဒါမျိုး ခုခံတာကလည်း နည်းလွန်းပါတယ်တဲ့။

လူနည်းစု လူမျိုးတွေ လက်နက်ကိုင်တယ် ဆိုတာ တပ်က သူတို.နောက်ကို လိုက်ပြီး မတရား သတ်ဖြတ်လို.ကိုင်တာပါတဲ့။ အဲ့မှာ သတင်းထောက်က အခု ကမ္ဘာက ဘယ်သူ မှ မင်းတို. ပြည်သူကို အပြစ်မတင်ပါဘူးကွာလို. ပြောပြီး ဓာတ်ပုံတစ်ပုံကို ပြတယ်။

ဒေါက်တာဆာဆာ

ဓာတ်ပုံမှာ မြန်မာလို ရေးတာကတော့ သေးလို. ကျနော် ဖတ်မရဘူး။ အင်းဂလိပ် လို သတင်းထောက်က ဘာသာပြန်ပြတယ်။ ဆန္ဒပြသူ တချို.တွေက အိတ်လေးတွေမှာ သူတို. သွေးအမျိုးအစားကို ရေးပြထားပြီး သူတို.အပစ်ခံရလို. ပြန်ကောင်းဖို. အခြေအနေ မရှိရင် မကယ်ပါနဲ.တဲ့။ သူတို. အင်ဂါအစိတ်အပိုင်းကို လိုအပ်တဲ့သူတွေအတွက် လှူပါတယ်တဲ့။ သတင်းထောက်က ပြောတယ်။ အရမ်းကို သတ္တိရှိတာပဲတဲ့။

ကြည့်ရတာ ဒေါက်တာဆာဆာ အဲ့သတင်းကို မသိသေးတဲ့ပုံ ပဲ။ သူ ချက်ချင်း စိတ်မကောင်းတဲ့ပုံပေါက်တယ်။ နောက် စကား ပြန်ပြောရင်း ဘယ်မျက်စိကို ပွတ်တယ် ဆိုတော့ ကျနော့် အမြင် မျက်ရည်ဝဲသွားတာလား မသိဘူးဗျာ။

ဒေါက်တာဆာဆာ က ပြောတယ်။ ငါတို. ပြည်သူတွေကို ဒီလို အကြမ်းဖက်တာ အခုမှ မဟုတ်ဘူးဆိုပြီး အရင် အရေးအခင်းအကုန်ကို ခုနှစ်တွေနဲ. ရွတ်ပြတော့တာပဲ။ ငါတို. အဲ့လောက်ခံခဲ့ရတာတောင် အခုထိ အကြမ်းမဖက်ဘူး။

ငါတို. မြန်မာပြည်သူတွေ လိုချင်တာ ငွေမဟုတ်ဘူး၊ တခြား ဘာအကူအညီမှ မလိုဘူး။ ငါတို.လိုချင်တာ ငါတို. ဆုံးရှုံးသွားတဲ့ လွတ်လပ်မှု၊ ဒီမိုကရေစီ၊ တရားမျှတမှု၊ ဖဒရယ် နဲ. ငြိမ်းချမ်းရေးပဲ။ အဲ့အတွက် နိုင်ငံတကာက မိတ်ဆွေများအနေနဲ. ငါတို. မြန်မာပြည်သူတွေဖက်က ရပ်တည်ပြီး ငါတို. ဆုံးရှုံးသွားတာတွေကို ပြန်ရအောင် ကူညီပေးကြပါတဲ့။ ကဲ ပြီးရော။

ကျန်တာကတော့ ဒေါက်တာဆာဆာကိုယ်တိုင် အာဏာသိမ်းတဲ့ နေရာကနေဘယ်လို လွတ်မြောက်လာတဲ့ အကြောင်း အကျဉ်းချုပ်လေးပဲ မေးတယ်။

ကျနော့် အမြင်

CNN က နံမည်ကြီးစစ်သတင်းထောက်ကို သုံးပြီး အင်တာဗျူးကတည်းက ထူးခြားတယ်။ ဒေါက်တာဆာဆာ တောင်းဆိုတဲ့ R2P ဝင်ဖို. လိုအပ်ချက် နဲ. ကိုက်ညီမညီကို နိုင်ငံတကာ သိအောင် စစ်ဆေးတဲ့သဘောလို. မြင်တယ်။

ကျနော့်ဘာသာ ကိုယ့်ကိုကိုယ် Third party အနေနဲ. စဉ်းစားပြီး ကြည့်ကြည့်တာ ဒေါက်တာဆာဆာ ပြောတာကော သူတို.ရထားတဲ့ သတင်းတွေအရ R2P ဝင်ဖို. အချက်တွေ ကိုက်ညီတာ တွေ.ရတယ်။

အခုလောက်ဆို ကျနော်တို. ပြည်သူတွေရဲ. ငြိမ်းချမ်းစွာ ဆန္ဒပြမှုဟာ ဘယ်လောက် အထိ ထိရောက်နေပြီလဲ ဆိုတာကို မိတ်ဆွေတို. သိနိုင်ကြမှာပါ။

သူရဲကောင်းများကို ဉီးညွတ်အလေးပြု လျက်

CRD_Dr. Kyaw Kyaw Lin (PhD, Kyoto University)

#WeNeedR2PinMyanmar

Leave a Reply

Your email address will not be published. Required fields are marked *